Cultura

Durante dous meses, dende o 25 de setembro ao 29 de novembro programaranse máis de 100 actuacións de grupos, artistas e compañías locais nas principais prazas da cidade.

Todos os barrios contarán polo menos con tres actuacións co obxectivo de dinamizar a súa actividade comercial. Haberá música, teatro, contacontos, maxia, humor, danza… en 36 prazas da cidade en formatos reducidos e respectando todos os protocolos sanitarios.

A entrada será de balde e accederase por orde de chegada ata completar o aforo permitido nese momento. Consulta o calendario para coñecer toda a programación.